LAUTADAKO EUSKARAREN KOMUNITATEKO KIDE IZATEKO ESKAERA-ORRIA

Batu gaitezen! Jar gaitezen norabide batera! Hori da LEK-en misioetariko bat: norabideak bateratzea eta taldeak artikulatzea.

Lautadan, 2016tik hasitako ariketa kolektiboen bitartez, hizkuntza-portaera batzuk bateratzen ari gara eta horrela erabilerarako inertzia sozial bat sortzen ari gara. Erabilerarako baldintza egokiagoak sortzen ari gara: Lautadako hainbat elkarte, establezimendu eta lantegiekin ari gara beren hizkuntza-arauak euskarara eraman ditzaten, Lautadako instituzioekin elkarlanean ari gara eta eragiten ari gara horiek gure hizkuntza-eskubideak berma ditzaten. Euskara beharrezkoa izatea nahi dugu eta hainbat egoeretan lortzen ari gara. Baina, zein portaera bateratu nahi dugu?
Euskaraz ulertzen dutenei euskaraz egitea (nahiz eta solaskideak erdaraz erantzun), lehenengo hitzak beti euskaraz egitea eta euskaraz ulertzen duenak besteei eskatzea euskaraz egiteko.
Euskaraz gutxi ulertzen dutenekin tarteka euskaraz egitea, poliki hitz egitea, euskara erraza erabiltzea eta noizbehinka galdetzea ea ulertu duen.
Eta euskaraz ulertzen ez dutenek, zer egin dezakete? Dakizkiten hitzak erabili, euskara entzuteko eta ikasteko borondatea eduki eta talde batean euskaraz hitz egiten denean egiten utzi, nahiz eta egoera horretan guztia ez ulertu.

Portaera horiek praktikan ipintzeko batuko gara? Familiak, elkarteak, lagun-kuadrillak, bikoteak, lantegiak, komertzioak… izan zaitezte kide!!!

Kide izan nahi duzue, baina, taldea edo norbanakoa?

Lautadako Euskararen Komunitatean talde gisa kide egitea lehenesten dugu. Eragin ezazu zure inguruan talde erabakiak hartzeko: familia, bikotea, lagun-kuadrilla, entitatea… Izan zaitezte kide talde bezala.

TALDEA (familiak, bikoteak, lagun-kuadrillak, elkarteak, establezimenduak, lantegiak…)
Lautadako Euskararen Komunitatean gizartearen sistema eraldatzailetzat hartzen dugu taldea. Izan ere, talde batean erabaki kolektiboak oso eraginkorrak dira hizkuntza-ohitura aldaketetan. Horregatik, Lautadako entitateak (elkarteak, lantegiak, batzar administratiboak, establezimenduak, asanbladak) eta talde afektiboak (familiak, bikoteak, lagun-kuadrillak) dira LEK-en funtzionatzeko ardatza eta hauek izan daitezke LEK-ko kide osoa. Kide osoa direnek LEK-ko erabaki guneetan parte har dezakete eta onura batzuk izango dituzte:

-entitateek itzulpen zerbitzu mugatua dohainik izango dute eta deskontua izango dute entitateko ekipo informatikoak euskaratzeko zerbitzuan.

-etxe berean bizi diren familia edo bikote baten kide guztiek ekonomatuan erosteko aukera izango dute.

NORBANAKOA
Aurretik emandako azalpenengatik, LEK-en familia edo bikote bezala kide izatea lehenesten dugu, baina, ezin baduzu horrela izena eman, orduan, bazkide norbanakoa izan zaitezke. Bazkide norbanakoak ezin du LEK-ko kide osoa izan, ez du elkarteko erabaki guneetan erabakitzeko aukerarik izango, taldeek bakarrik dute ahalmen hau. Bazkide norbanakoa da prest dagoena hizkuntza-ohitura aldaketarako konpromiso batzuk hartzeko, eta elkarteari diru-ekarpen bat egin nahi diona: diru-dohaintzaren bat eginez, urteko kuota ordainduz edo puntualki ekintza batean. Bazkide norbanako honek LEK-k eskaintzen dituen zerbitzu batzuk (ekonomatua) erabili ahal izango ditu.

 

LEK-ko kide osoa edo bazkide norbanakoa izateko konpromisoa hartu behar duzue; zuen familian, bikotean, lagun-kuadrillan edo entitatean euskararen erabilerako baldintza egokiak sortuko dituzuen konpromisoa. Euskararen alde egoteko garaia bukatu da, egiteko garai da. Kide izateko hizkuntza-portaera hauek sustatu eta praktikan ipintzeko konpromisoa hartu behar duzue:

Euskaraz ulertzen dutenei euskaraz egitea (nahiz eta solaskideak erdaraz erantzun), lehenengo hitzak beti euskaraz egitea eta euskaraz ulertzen duenak besteei eskatzea euskaraz egiteko.

Euskaraz gutxi ulertzen dutenei tarteka euskaraz egitea, poliki hitz egitea, euskara erraza erabiltzea eta noizbehinka galdetzea ea ulertu duen.

Eta euskaraz ulertzen ez dutenek, zer egin dezakete? Dakizkiten hitzak erabili, euskara entzuteko eta ikasteko borondatea eduki eta talde batean euskaraz hitz egiten denean egiten utzi, nahiz eta egoera horretan guztia ez ulertu.

 

 

Zuen familian, entitatean, lagun-kuadrillan, bikotean… konpromiso horiek hartzeko prest bazaudete jarrai ezazue kide izateko prozesua: aukeratu zein den zuen taldearen izaera eta ondorengo galdetegi batean zuen datuak eman beharko dituzue. Aukeratu zer zareten, klikatu hauetako baten gainean:

Elkartea, komertzioa, kluba, lantegia, kolektiboa, batzar administratiboa, zerbitzu enpresa, sindikatua, komitea…

Familia, bikotea, lagun-kuadrilla

Handitu tipografia
Kontraste handia